شین بۆ یاران

منیش کوردم و شین دەگێرم...

چوار شەممە, 21 دێسێمبر 2016 19:17 |

وەهاب یوسفی:

منیش کوردم و شین دەگێرم...

ئێوە یاران بە ئەسپایی

کۆچتان کرد و جێتان هێشتین،

لە دوای ئەو ڕۆیشتنەتان

پەژارەتان خستە دڵمان.

منیش کوردم و شین دەگێڕم...

کاتێک گەلی من بێ مافە

داگیرکەریش لە سەر ئاخمە

چۆن دەتوانم من بێدەنگ بم،

کاتێک گەلم خوێنی دەڕژێت.

منیش کوردم و شین دەگێڕم...

لەسەر مافمان سوورتر دەبین

ئازادیشمان خۆشتر دەوێت،

چون کورد زیاتر لە هەر گەلێک

لەو پێناوە خوێنی داوە.

منیش کوردم و شین دەگێڕم...