چەند وتەیەکی کورت
درباره سایت
آخرین مطالب
امکانات وب
دیکتاتۆرییەت و جەهالەت وەک ماسی و ئاو گرێدراوی یەکترینە!
دیکتاتۆرییەت لە کۆمەڵگای دواکەوتوودا سەرهەڵدەدات و بەهێزتر دەبێت، هەر بۆیە پەروەردەیان جەهالەتە و لایەنگرانیان دواکەوتوونە!
دەسەڵاتە گەندەڵەکان وەک کرم لە پیسایدا گەشە
دەکەن، هەر بۆیە کۆمەڵگا دواکەوتوو دەکەن!
گشت ئەوانەی کە هەوڵی تێگەیاندنی کۆمەڵگا دەدەن، شایانی ڕێزن.
ـــــــــــــــــــــــــــــــ ************* ـــــــــــــــــــــــــــــــ
کاتێک زانیم لایەنگری کام کەس و لایەنی، تێدەگەم کە جەوهەری بیر و هزرت چییە!
کاتێک چاوپۆشی لە دزی و گەندەڵی دەکەن و مافیای سیاسی و ئابووری بە نیشتمانپەروەر دادەنێن، بێگومان دەڵێم شێت بوونە و ئامانجیش هەر شکەستە!
کاتێک مێژوو چەواشە دەکەن و ڕاستییەکان دەشارنەوە، بێگومان خیانەت بە نەوەی داهاتوو دەکەن و ڕێگای هەڵەیان بۆ دیاری دەکەن!
بێگومان ئەوانەی لە بەرەی دز و گەندەڵ و مافیا سیاسییەکاندانە و پشتگیریان دەکەن، خۆشیان هەر لەو قوماشەنە!
ـــــــــــــــــــــــــــــــ*************** ـــــــــــــــــــــــــــــ
با گشت بوتەکان بشکێنین و سنووری پیرۆزییە داتاشراوەکان ببەزێنین و خۆمان بە ئازادی و سەربەستی بگەیەنین!
دین و سیاسەت، بەرهەمی بیر و هزری مرۆڤن. مرۆڤ خۆی داهێنەری دین و سیاسەتە، کەوایە مرۆڤ بوون گەورەترین پیرۆزییە!
ـــــــــــــــــــــــــــــــ *************ـــــــــــــــــــــــــــــــ
کاتێک خومەینی جامی ژەهری نۆشی و ناچار بوو شەڕی عێراق ـ ئێران ڕابگرێت و واز لە خەیاڵی گرتنی کەربەلا و قودس بێنێت، بۆ چاوترساندنی خەڵک ساڵی ١٩٨٨ ئێرانی کردە قەسابخانە و لە ماوەی ٢ مانگدا زیاتر لە ٥٠٠٠ی ئیعدام کرد! ئەوە ئەخلاقی دەسەڵاتە کۆنەپەرەست و توتالیتێرەکانە! تا خەڵک چاوترسێن بکەن و پێش ڕاپەڕینی جەماوەری بگرن.
ـــــــــــــــــــــــــــــــ************** ـــــــــــــــــــــــــــــــ
دەسەڵاتی دز و گەندەڵ ئەوەندە ترسەنۆکە ناتوانێ پارێزگاری لە بەرژەوەندیەکانی خۆشی بکات! بەڕاستی ئەو مافیایانەی کە ترسەنۆکن و ناتوانن سنووری پاوانی خۆشیان بپارێزن، بە پێچەوانە لە ڕێگای سەرکوت و تیرۆری خەڵکی سڤیل و ناڕازییەوە، دەسەڵاتی خۆیان دەپارێزن!
ــــــــــــــــــــــــــــــ*************** ــــــــــــــــــــــــــــــ
بێگومان ئەوانەی ڕاستییەکان نابینن و نایانهەوێت تێبگەن، دەبێ ئەوە لەبەرچاو بگرن کە دیکتاتۆر و دەسەڵاتە گەندەڵەکان لە کاتی قەیراندا دروشمی نیشتمانی و شەڕ دێنە ئاراوە و دوای شەڕیش پێویستیان بە چاوترساندنی خەڵکە و بەو پێیەش دەست دەکەن بە تووندوتیژی و سەرکوت کردنی ناڕازیان! تا دەسەڵاتیان هەر بەردەوام بێت و لە تۆڵە و دادگایی کردن، خۆیان بپارێزن!
ــــــــــــــــــــــــــــــ*************** ـــــــــــــــــــــــــــــ
کاتێک فتوای شەڕی نێوخۆیی بەڕێوە دەچوو، بۆ پاڕاستنی کورسیش، دێموکراسی و ئازادی دەمرد، لەوکاتەوە بێزم لە نیشتمانپەروەریان هەستاوە!
*************************************
هەر کەس و هێز و لایەنێک بۆ گیانی خەڵکی دڕندە بێت، بێگومان لە شەڕدا خێڕیترین و ترسەنۆکترینن!
*********************************
برچسب: وتەیەکی,
نویسنده: آرین حسینی‌پور